رشيد زرقي
اعتبر وليد الركراكي، المدرب الجديد للمنتخب الوطني لكرة القدم، بأن الوقت المتبقي قبل انطلاق مونديال قطر 2022 ضيق جدا .
وقال الركراكي اثناء تقديمه اليوم في ندوة صحفيةً من طرف فوزي لقجع رئيس جامعة القدم بمركب محمد السادس لكرة القدم بضواحي مدينة سلا: ” معندناش بزاف ديال الوقت. وحنا ما غادينش نمشيو للمونديال باش نلعبو 3 ماتشات ونرجعو ولكن غاديين باش نديرو نتيجة ايجابية ونرفعوا الراية ديال المغرب”.
وزاد الركراكي قائلا: ” ماكايهمنيش الماضي كايهمني المستقبل. عندي مشروع جديد وغانتسنى من اللاعبين الالتزام ويعرفوا أن 40 مليون مغربي كايتسناو منهم يتقاتلوا. أي لاعب خاصوا يتقاتل ملي يلبس التوني وما غانبدلش العقلية ديالي ديال الفوز. وأنا جيت للمنتخب من أجل الفوز”.
وأكد الركراكي أنه لا وجود لفرق أو تمييز بين اللاعبين، متابعا بقوله: “بحال زياش بحال حمد الله. باب المنتخب مفتوح في وجه للجميع “.
واضاف المدرب الجديد لاسود الاطلس ” في كأس العالم غانطلعو الراية ديالنا ونفرحو المغاربة. غانعطيو كلشي وغانتقاتلوا باش نفرحوكم إن شاء الله”.
